తెలుగుభాషకు మాత్రమే స్వంతమైన,మరే ఇతర భాషాసాహిత్యాలలోనూ కానరాని అద్భుత ప్రక్రియ "తెలుగు పద్యనాటకం".దాదాపు 125 ఏళ్ళ చరిత్ర ఉన్న ఈ రంగంలో ఎన్నో అద్భుతమైన నాటకాలు వెలువడ్డాయి.ఎందరెందరో ప్రాతఃస్మరణీయులు అజరామరమైన రచనలు చేశారు.మరెందరో మహానుభావులు తమ గాత్రంతో,నటనతో ఈ పద్యనాటకాలకు జీవం పోశారు.అయితే ఇంతటి ఉత్కృష్టమైన ఈ ప్రక్రియపట్ల నేటి "కంప్యూటర్ తరం" ఆసక్తి అంతగా ప్రదర్శించడం లేదేమో అనిపించి మనమే వాళ్ళ ముంగిట్లోవెళ్ళి ఈ కళపట్ల ఆసక్తి కలిగించాలనే ఈ చిన్న ప్రయత్నం.
